( حياك يا وطن )
أمس بالليل جفاني النوم
وتذكرتك يا وطن
وتذكرت من جنا نغفى سوا
على نغمات الجيلات
و سوى نغني
[ياكاع ترابج كافوري]
بعرس ويلادك
ومن بعيد صوت الهلاهل
سْمْعوه عدوانك
وما هان عليهم
تكبر افراحك
وبليلة ظلمة غدروك جيرانك
عرب الخيم والكرب
هُمًّ اللي كسروا بيبانك
ودخلوا الحراميه بزود الخيانه...
وهدّموا عمْدانك
بس ما تطيح يا وطن . حت لو جفت انهارك
ومن تنخا. 【ها..خوتي ها.. 】
من كل حدب وصوب يلتمن ثوارك .
الوطن مو فيصل ونوري
ولا نفطات يجرن من بوري
لا هذا ابو عمامه.. و لا هذا عمك
وذاك خالك
الوطن هويه وتاريخ
والصيت عابر الكون
والله يشهد على علومك ،
وكل افعالك
انت نار و علم
والكل يشهد انت اول قلم
لأول حرف
انخط بكتابك
ومن شفايف ا لنهرين
ومن حب الصوبين
تروي عطش كل اجيالك
انت ابد ما تموت يا وطن
ولاتثنيك المحن
لأن اكو رجال
بدمهم يروون الكاع
و يفدون روحهم بدالك
ويدوسون على روس الرعاع
ويعيدون الأمجاد
لكل اهلك واحبابك
ليست هناك تعليقات:
إرسال تعليق